Mizoram chhung hmun hrang hranga Govt. Lumpsum Grant-in-Aid Higher Secondary School 9 ten Adhoc Grant-in-Aid dinhmuna hlankai ngiata lungawilohna an entir vangin vawiinah khawi hmunah mah harsatna a thleng lo.

0
963
views

Lunglei, Champhai, Mamit leh Aizawl Bawrhsap te hnen a\anga ZONET thudawn danin khawi hmunah mah mipui lungawiloten harsatna an siam lova, kawng dan pin pawh a awm lo a ni. Hemi hmalam hian Aizawl, Lunglei, Champhai leh Mamit Bawrhsap te chuan mi panga aia tam awmkhawm khapna thupek Cr.PC Section 144 tlawh chhanin an chhuah a, hemi rual hian buaina leh harsatna chhuah theihna hmun niawma hriatah te Magistrate leh Police duty an dah a ni. Puan tawh angin Govt. Lumpsum Grant-in-Aid Higher Secondary School awmna khaw hrang hranga Joint Action Committee ten lungawilohna an entirna khua te hi Sakawrdai, Farkawn, Zawlnuam, W.Phaileng, Phullen, N.E.Khawdungsei, E.Lungdar, Zobawk leh Thingsultliah te a ni. He buaina leh harsatna chhuak chungchangah hian nimin khan Chief Minister, Pu Lal Thanhawla awm loh hlana a aiawhtu Home Minister, Pu R. Lalzirliana kaihhruaiin a chenna inah Govt. Lumpsum Grant-in-Aid Higher Secondary School 9-te thilphut chungchang leh hemi kaihhnawiha lungawilohna thleng leh mipuite harsatna thleng chungchang a chenna inah sawiho a ni a, hetah hian Finance Minister, Pu Lalsawta leh School Education Minister, Pu H. Rohluna te bakah Senior Officer te an tel a ni.

He meeting hian thil awmdan leh sorkar sum dinhmun a ngaihtuah hnuah Lumpsum Grant-in-Aid Higher Secondary School 9 ten Adhoc Grant in Aid-a hlankai an phut chu sorkar sum dinhmun thlirin tihhlawhtlin theih a ni lo tih an tarlang a, heti chung hian sum awmdan azirin private school ten lumpsum grant an dawn mekte tipung turin tun hma deuh a\ang tawh khan hmalak a ni a, tunah hian hemi chungchanga sorkar file chu a kal mek tin he meeting-ah hian tarlan a ni. He meeting hian dinhmun sang zawka hlankai phuta nawrh vanga zirna in khar a ni leh zirlai tam takin zirna an chhunzawm thei lo chu pawi an tih thu an sawi bawk a ni. Govt. Lumpsum Higher Secondary School 9 dinhmun sang zawka hlankai diltute aiawh te chuan vawiin khan Principal Secretary Finance changtu Pu Lalnunmawia Chuaungo a office-ah an hmu a, hetah hian Secretary chuan nimina Home Minister hova meeting-a an thutlukna lo siam tawh te a lo hrilhfiah a, Lumpsum Grant in Aid School te \anpuina sum sorkarin a pek \hin tihpunna tura tun hmalama rawtna lo siam tawh tunah hian a kal mek tih te hrilhin kawngpui, National Highway dan pin chu sorkarin a remtih dawn loh thu te a lo hrilh bawk a, lungawilohna lantir nan School an khar pawh hawng leh thuaia an zirlaiten class an chhunzawm leh thuai theih dan tur zawng turin a lo ngen a ni. Hemi hnu hian Lumpsum Grant in Aid Higher Secondary School Joint Action Committee hruaitute chuan an kalzel dan tur an ngaihtuah zui dawn nia thudawn a ni.