Vawiina Aizawla thuthar thehdarhtute a kawmnaah he thu hi Zonet zawhna chhangin a sawi a, December ni 28 a\anga Electoral Roll ennawnna tuna neih mekah hian thunthar dil duhte tan naktuk thleng hun hawn a nih thu te, hemi chhunga dilna lut te chu February ni 11 hmalama chinfel a nih dawn thu te, thil tihfel ngaite tifela, thun belh tur te supplementary list chu february ni 18 hmaa peihfel hman tum a nih thu leh Electoral Roll thar hman theih tur chu February ni 22-ah peihfel a nih dawn thu a sawi a ni. CEO chuan Electoral Roll-a inthun dil duh tan ECI leh CEO Website-ah Online hmanga dil mai theih a ni a, Electoral Roll-a chuang thei tawhte chuan hemi hmang hian dilna an thlehlut thei reng tih a sawi ni.
Pu Ashish Kundra chuan Lok Sabha inthlanpui neih tur atan inbuatsaihna chu ngawrh taka kalpui mek a ni tih a sawi a, tun thla ni 11 leh 12 khan State hrang hrang CEO intawhkhawmna neih a ni a, hetah hian amah pawh a kal ve thu leh Chief Election Commissioner leh Election Commissioner-ten Video Conference hmangin State hrang hrang Chief Secretarey, DGP leh mi pawimawh dangte inthlan kaihhnawih thil pawimawh hrang hrang an sawipui tawh tih a sawi bawk.
Pu Ashish Kundra chuan, naktukah National Voters Day hman a ni dawn tih sawiin, he ni hi ramchhung hmun dangte rualin Aizawlah pawh Larsap, Pu Kumanam Rajashekharan-a hovin Vanapa Hall-ah lawm a ni dawn tih a sawi a, hei hi \halaiten Electoral-a inziahluh nachang an hriat a, vote thlak hlutna leh pawimawhna an hriat theih nana inzirtirna atan hman tur a ni tih a sawi bawk.
CEO chuan Electoral Roll leh a kaihhnawih thil pawimawh hrechiang duh tan phone no. 1950-ah a duh a piang tan zawhfiah theih a ni dawn a. Hemi buaipui tur hian Aizawl District bikah chuan DC Office-ah telephone phone booth 5 siam a ni a, hemi bakah hian District danga DC Office-ah te pawh mipui zawhna lo dawngsawngtu tur hi bun vek niin, a enkawltuten mipui zawhna hrang hrang an chhan vek theih nan rei lote hnuah Training pek vek tum an ni tih a sawi. CEO chuan, mipuiten awlsam zawka inthlan kaihhnawih thilte an hriat theih nana Election Commission of India-in Mobile Application pahnih a siam chu naktuka National Voters Day lawmnaah tlangzarh a ni dawn tih sawiin heng Application-te hi pianphunga rualbanlote hman \angkai tur a ni tih a sawi a, hemi hmang hian Mobile phone a\angin Electoral Roll-a inthun dilna leh thil pawimawh dangte tih theih a ni dawn a, hei bakah hian pianphunga rualbanlo an nih thu Mobile Application hmangin an inhriattir ang a, vote thlak hunah a bika ngaihsak ngai an ni tih chhinchhiah an ni dawn a ni. Pu Ashish Kundra chuan, naktuka National Voters Day lawmnaah hian Voter Awareness Forum pawh tlangzarh a ni dawn tih sawiin, hemi hmang hian mipuiten vote thlak an chak theih nan inzirtirna neih a ni dawn niin a sawi bawk.
