Vawiina Aizawl Press Club-a thuthar lakhawmtute an kawmnaah an hmalak tum dan hi an puang a, an pawl President, Prof. Zaithanzauva Pachuau chuan, UPSC result chhuakah Mizo tling an tlem tial tial chu Mizo hnam himna leh kal zelna tura thil pawi zawk thlen thei anih avangin Mizo hnam pasal\hate kaihharh nan leh Mizoram tana a taka ke pen tumte cho phur nan zirlai harsa, Central Service-a tlin tum tak taka inbuatsaihte \anpui an tum tih a puang a ni. Prof. Zaithanzauva chuan, zirlai harsa \anpuina tur hi mi\hahnemngaiten an remchan dan ang anga an thawh khawm mek thu leh zirlai an \anpui tur pawh thlan fel thuai an tum thu a sawi a. An pawlin ruahmanna a siam dan chuan, zirlai tumruh, Coaching kalna nei zo lo hmalam hun eng si-a ngaihte \anpui an ni ang.
|anpuina an pek tur hi Selection Board-in UPSC kalphung leh question hlui hmanga Written Exam, Personal Interview leh Performance Evaluation an neihpui hnua a tling leh tlak nia ngaihte an ni dawn tih Prof Zaithanzauva chuan a sawi a, tunah hian sum leh pai neih lawk sa an ngah loh avangin a bul\an nan mi pahnih khat thlan phawt an ni ang a. Chung mite chu Aizawla thla 2 vel kaihhruai an nih hnuah Delhi lama Coaching kal tura thawn an ni dawn tih a sawi.
Mizoram Civil Service Aspirants’ Society hruaitute chuan, \anpuina an pek tur dil duh tan February ni 3 a\ang ni 15 chhungin an pawl Treasurer, Pi Saizampuii Sailo, Sunflower Electronics Chanmari leh General Secretary, Dr. KC. Lalmalsawmzauva Chanmari Biak In bul hnenah Rs. 10 chawia lak theih a nih thu leh dilna chu February thla chhunga thehluh tur a nih thu an sawi.
MICSAS hruaitute chuan, Delhi-a Coaching an kal hnua Mizorama hna zawng leh tur ang chi chu \anpui an tum loh thu leh Central Service-a tling ngei tura beih inhuamte chauh an \anpui tur thu an sawi a. Zirlai an \anpuite chu Coaching Class Course khat chhung an mamawh zawng zawng tum sak an ni a, Competition Exam an hmachhawn vawi khatah tling kher lo mah se, an Result-a zira \anpui chhunzawm tlak nia ngaih chu an chawm chhunzawm tur thu an sawi.
