He workshop-ah hian SEBI Assistant General Manager, Kolkata a\anga lo kal, Pu Joy Deep Naskar chuan sum khawlkhawmna him leh \ha hman a pawimawh zia mipuite leh zirlaite a hrilh a, sorkarin a pawmpui Bank leh Financial Institution-ah te chauh sum khawl turin mipuite a fuih a ni. He workshop-a thusawitu dang Mizoram Consumer Union President, Prof. Chawngsailova pawhin tun hmalam khan Mizoramah Chiahpuam leh mimal emaw, pawl emaw siam, a pung tam tak awma sum dahkhawlna a awm \hin a, chungte chu sorkar pawmpui leh dan anga din a nih loh avangin mipui bum nan hman a ni \hin a, mipuiten an sum dah an chan bakah hmu leh turin beih zui mahsela, vawiin thlengin an hmu thei lo tih sawiin, sum dahna hima dah turin zirlaite leh mipuite a fuih a ni. He workshop hi MCU Treasurer, Pu A. Lalhmangaihzuala’n a kaihruai a ni.
