A hawnna inkhawm Aizawl Chanmari-a Grand Hotel-a neihah hian Pu Zonunsanga Khiangte chuan, Bharti Gas chu mipui tana rinngam leh service \ha nih tum turin a chah a, chutiang taka an kalthei a nih chuan Mizoram mipuite tan malsawmna thlentu an ni dawn a, mumal lo deuha an kal a nih erawh chuan harsatna belhchhahtu an nih dawn avangin rintlak an nih a \ul dawn a ni, a ti.
Bharti Gas General Manager, Pankaj Kumar Borah chuan, an Service chu mipui rintlaka kalpui a nih tur thu a sawi a. An hnena LPG Connection late chu Gas bur khawih chingpen loh leh buk tling ngei pek an ni dawn a, Distributor-ten Gas an sem chhuah hmain a buk a tlin leh tlin loh an enfiah hmasa phawt ang a, buk tling chauh mipui hnenah an pechhuak dawn a ni, a ti. Bharti Gas hian domestic cylinder, Kg. 15.6 leh commercial cylinder, Kg. 21 an pechhuak dawn a, domestic cylinder hi LPG cylinder dangte aiin kg. 1 chuangin a rit zawk a, tunah hian Assam-a Kamrup hmunah ni khata cylinders 60,000 thun theihna LPG Bottling Plant an neih mek a, Silchar bulah bottling plant bun belh an tum mek bawk. Bharti Gas hian Mizoram hmun hrang hrangah agent tur an tifel tawh a, Aizawl bikah agent tur hi 4 (pali) an nei tawh a, home delivery hi Aizawl bikah kalpui a nih phawt tur thu General Manager, Pankaj Kumar Borah chuan a sawi a ni.
