Forest Service Association hian nimin khan General Conference vawi 17-na Bethlehem Vengthlanga Forest Research Centre for Bamboo and Rattan-ah an hmang a, Mizoram chhunga sik leh sa danglam nasat avanga tawrhna hrang hrang thleng mek chungchang sawihovin Mizoramin a la tawn ngai loh khawlum lutuk te, tuikhur kang chat mekte leh Vaimim leh thlai dang eichhetu pangang puang mek te chu ramngaw leh nungchate suat nasat avanga ecological balance leh food chain tih chhiat nasat vang a ni pakhat tih an sawi a, pangang puang chu a eitu sava lam chite tih chereu vang a ni thei tih an sawi.
Mizoram mipui, NGO leh Mizoram sorkar department zawng zawngte chu nasa zawka ramngaw humhalh kawngah Forest Department hmalaknate \awiawm tur leh environment venhim chungchanga dan leh hraite tun aia nasa zawka zah turin Mizoram Forest Association hian an ngen a ni.
General Conference hi Mizoram PCCF Dr. Ch. Muralidhar Rao-a’n hmanpuiin fuihna thu a sawi a, kum 2019-2021 chhunga MFSA President-ah Pu Lalduhthlana, Vice President-ah Pu Lalrinliana, General Secretary-ah MZ Singson leh Treasurer-ah Pi Margaret Lalramchhani te an thlang a ni.
