Mizoram Government Lumpsum Grant-in-Aid Higher Secondary School Association-in dinhmun sang zawka hlankai phut nawr nana tun thla ni 18 a\anga Sikul an khar chu vawiin thlengin an la khar chhunzawm zel.
Sikul khar mek zinga mi Sakawrdaia Tuisualral Higher Secondary School naupangte chu vawiin khan an sikul tualah pungkhawmin, sikul an kai vat theih nana hmala tura Mizorama Sorkar an phutna thuziak an keng a, sikul naupangte chuan, karkhat chhung zet sikul an kai tawh lo tih, hetianga sikul an kai loh reng chuan an zirnain a tawrh tur thu te, zirna man chawi lova a thlawna sikul kai ve tawh an chak thu te sawiin, dinhmun sang zawka hlankai an an phut meknaah hian naktuk a\angin an sikul-a kai \hin khua te- Sakawrdai, Thingsat, Vaitin, New Vervek leh Khawpuarah te kalin, dinhmun sang zawka hlangkai ngei tura Sorkar ngenna leh a hlangkai thei lotu chu kumin kumtawpa Assembly inthlanpui neih hunah vote lo ngam tura ngenna, Signature Campaign neih an tum thu an sawi. Puan tawh angin Mizoram Government Lumpsum Grant-in-Aid Higher Secondary School Association chuan dinhmun sang zawka hlankai phut nan tun thla ni 18 a\ang timchin awm lovin sikul an khar a, hetiang sikul hi Mizoram pumah sikul 9 awmin, zirlai 850 vel an awm mek a ni.
