Lungawilohna hi Govt. Lumpsum Aided Higher Secondary School awmna khaw pakua Sakawrdai, Farkawn, Phullen, Thingsulthliah, Zawlnuam, West Phaileng, East Lungdar, NE. Khawdungsei leh Zobawkah te chhunzawm a ni a, heng khuaah te hian sorkar pisa leh zirna in te khar a nih bakah an khaw kaltlang kawngpuite dan pin a ni bawk.
Hemi hmalama ruahmanna an siam dan chuan heng khuaah te hian nimin a\anga August ni 3 thleng sorkar pisa leh zirna in khara, kawngpui pawh dan pin chhunzawm an tum niin Joint Action Committee chuan a sawi a, heng Higher Secondary School hrang hrangte hi mipui mamawhna vanga din a nih thu leh kum 14 chhung zet khawtlangin harsa taka an lo enkawl tawh a ni tih sawiin, an phurrit sutkian nan heng school te hi Adhoc Grant-in-Aid-ah hlangkai turin sorkar an ngen a, an thilphut nawr nan hian kumin June ni 18 a\ang khan an school te an khar a ni.
