Mizoram Govt Lumpsum Grant in Aid Higher Secondary School Association in dinhmun sang zawk Adhoc Grant in Aid a hlankai phuta thla khat zet school an khar hnuah MNF Vice President Dr R Lalthangliana, Education Minister hlui chuan sum harsatna tih chu sorkar tan chhuanlam tling lo niin a sawi a, sorkar ngaih pawimawh loh lam a nih vang mai niin vawiina chanchinbumi te a kawmnaah a sawi

0
285
views

Dr R Lalthangliana chuan, NLUP leh NEDP ah te cheng vbc tam tak sorkarin a dah theih chuan Lumpsum Grant in Aid school te dinhmun sang zawka hlan kai chu sorkar tan thil harsa a ni lo niin a sawi a, MNF sorkar tawp lamah school engemawzat dinhmun sangah an hlangkai niin a sawi.

Pu Lalruatkima MLA pawhin thusawiin, Lumpsum School dinhmun sang zawka dah phuta lungawi lohna lantir mekte chu sorkar in ngaihtuah vat se a duh tih a sawi a, NEDP hnuaiah sorkar chuan school tih hmasawnna tur cheng vaibelchhe khat chauh a dah nia sawiin sorkar chu zirna ngaihthahah a puh a, an party in thuneihna a chan chuan khawtlang mamawh School te avanga vantlang ko rihna zawng zawng chu chhawk a ni dawn niin a sawi.

Mizoram hmun hrang hranga Mizoram Govt Lumpsum Grant in Aid Higher Secondary School 9 te chuan thla hlui July ni 18 a\ang khan dinhmun sang zawka hlankai ngiatin an school te an khar a, heng school a zirlai 850 vel te chuan First Term exam pawh an nei lo a, Mizoram sorkar chuan an thil phut hi tihhlawhtlin theih a nih leh nih loh chiang taka puan a la nei lo a, tunhnai khan heng Higher secondary school 9 te awmna zirlai pawl inzawmkhawmte chuan Chief Minister an hmu a, CM hian School Education Secretary sawipui turin thurawn a lo pe a ni.