Mizoram Health Multipurpose Service Association-in General Assembly hmang

0
574
views

Mizoram Health Multipurpose Service Association-in vawiin khan Aizawl Chanmari YMA Hall-ah General Assembly vawi 35-na an hmang a. A hmanpuitu, Health Minister, Pu Lal Thanzara chuan, mipuite hriselna chu sorkar ngaih pawimawh ber pakhat a nih avangin kuminah pawh Health Worker 185 a ngheta lak an ni, a ti a, hengte hi thingtlang kilkhawr zawk leh tun hmaa Health Worker la awm ngai lohna hmunah dah an nih dawn avangin mipui hriselna pawhin nasa takin hma a sawn phah a beisei thu a sawi. Pu Lal Thanzara chuan, sorkar hnathawkte awmna hmun siksawi chu thil harsa tak a nih thu sawiin, Health Worker-te chu hmun kilkhawr apiangah an mahni mamawhtu an pung zual tih hria a, an awmna a hla deuh a nih pawhin, an duty-na hmun chu a mamawhtu awmna hmun apiang a ni tih hre reng turin a chah a ni. He inkhawm hi an pawl President, Pu P. Manliana’n a kaihruai a, kumin chhunga an member boral-te sun nan ngawi rengin minute khat chhung an ding a. Chawhnu lamah ro an rel bawk.