He intihsiakna hi hmun hrang hranga neih a ni a, Table Tennis bik chu Mission Veng-a Mizoram Table Tennis Association Hall-ah School Education Joint Director, Pu C. Hrang\huama’n a hawng a, Basketball chu Electric Veng YMA Hall-ah Dy. Director, Pu Lalrambuatsaiha’n a hawng a, Athletics leh Football chu Mualpui-a Rajiv Gandhi Stadium-ah Dy. Director, Dr. Lalzahawma’n a hawng a, Badminton chu Bethlehem YMA Hall-ah Dy. Director, Pu Lalramthanga’n a hawng a, Volleyball chu ITI GSA Volleyball Court-ah Dy. Director, Pu Lalchungnunga’n a hawng a ni. Intihsiakna zinga mi Taekwondo bik chu naktuk a\angin Electric Veng YMA Multipurpose Hall-ah khel \an a ni dawn a, Dy. Director, Pi Zoliani Hnamte-in a hawng dawn a ni.
Mizoram Higher Secondary School Games, 2018 zirtawpniah zawh hman tum a ni a, a kharna inkhawm Ramhlun Indoor Stadium-a neih chu School Education Secretary, Pu K. Lalthawmmawi’n a hmanpui dawn a ni.
