Vawiina Aizawl Press Club-a thuthar lakhawmtute an kawmnaah Adhoc Trainees Union hruaitute chuan, an Principal, Dr. Louis Hauhnar chu sum tam tak tichingpenah puhin, an zirlaite tana Agra-a Language Enrichment Course neih \hinah Mizoram sorkar hnena an dil angin mi pakhat tan Rs. 2,600 pek an ni a, heta \ang hian an College Principal chuan Rs. 1,74,600 a eiru ngei nia an hriat thu an sawi a. Zirlaite Admission Fee lak danah pawh thil dik tawk lo awm ni ngeia an hriat thu leh heng sumte hi Accountant hnena lut lovin Principal-in a kawl vek nia an hriat thu an sawi a. Admission Fee-ah zirlaitenStudents ID, Library Card, Students Aid Fund, Practical Fee-te an chawi chung hi heng ham\hatna hi an dawng ngai lova, zirtirtuten class an lak \hat loh avangin zirna an dawng chhia a, exam hall-ah principal hriatpuinain zirtirtuten zirlaite hnenah chhanna an hrilh \hin nia sawiin, Exam Hall thleng mawi lo taka an khum an ni chu an hrethiam lo hle tih an sawi. Tuna an Principal ni mek, Dr. Louis Hauhnar chu an rin zawh tawh loh thu leh amah chu hmun danga sawn an phut tih sawiin, hei hi tihhlawhtlin a nih hma chu a theih ang anga hmalak chhunzawm zel an tum thu an sawi a ni.
