Mizoram hmun hrang hranga vawk natna, PRRS leng vanga vawk thi 1,146 a tling tawh

0
469
views

Tunhnaia Mizoram hmun hrang hranga vawk natna, PRRS l>ng vanga vawk thi chu 1,146 a tling tawh tih AH & Vety Department hotuten Zonet an hrilh. Vawk natna hi Champhai District-a Zokhawtharah hmuh hmasak ber a ni a, March ni 16 khan vawk a thi \an a, hei hi enfiah nghal niin March ni 21 khan PRRS a ni tih finfiah a ni tih an sawi. AH & Vety Department-a Deputy Director, Disease Investigation Dr. K. Lalrohlua chuan vawk thi \henkhat chu PRRS a ni tih finfiah ni mah se, tunlaia Mizorama vawk natna l>ng zawng zawng PRRS a ni vek kher loh thu leh Swine Fever vanga thi pawh vawk engemaw zat an awm thu a sawi. PRRS hi Champhai District-a Zokhawthar, Serchhip leh Aizawl District hmun \henkhatah a l>ng tih finfiah a ni tawh a, Lawngtlai leh Siaha District-ah chuan vawk damlo hi awm bawk mah se, PRRS a nih leh nih loh finfiah a la ni lova, Mamit leh Kolasib District-ah chuan he natna hi a la thleng lo nia hriat a ni tih a sawi. Dr. K. Lalrohlua chuan vawk natna hi a darh zel loh nan District pathuma PRRS lenna hmunahte hian hmun dang a\anga vawk leh a sa lakluh khapna a nih thu leh hetiang bawk hian heng District a\anga hmun danga vawk leh a sa thawn chhuah pawh khap nghal a nih thu sawiin, vawk natna lenna hmun hrang hrangah hian an Department miten theihtawp an chuah thu leh tun dinhmunah chuan vawk natna hian zual lam pan lovin zawi zawiin a rem tial tial nia hriat a ni tih a sawi. AH & Vety Department hotute chuan PRRS vanga vawk thi 1,146 zinga hmun 3-a \hena hmun 2 chu vawk note an nih thu leh he natna hi vawk puitling aiin a note leh a rai laiin an huat zawk thu an sawi a, vawk puitling chu damdawia enkawl vat a nih chuan a dam leh mai a, a note te erawh chu chhan a harsa deuh tih an sawi. Rangvamual leh Phunchawng chheh vela PRRS vanga vawk damlo tlawm te te tihral a nih thu Social Media-a thehdarh chu an hriatpui lo nia sawiin AH & Vety Department hotute chuan, Rangvamual leh Phunchawngah hian vawk damlo an awm ngei thu leh enfiah a nih tawh thu an sawi a, heng mite hian an vawk hi an tiral tih erawh an hriatpui lem lo tih an sawi a. Mizoramah PRRS natna a leng tih finfiah a nih tawh avangin he hri hi a darh zel loh nan Mizoram pum huapin ramdang leh State dang a\anga vawk leh a sa lakluh khapna thupek tihchhuah ni thei se an duh thu te, he thupek hi mipuiin \ha takin zawm se an duh thu te, ransa reng reng eng vanga thi pawh nise, a thi tawh sa chu ei tura sawngbawl lo tur te, ran vulhtute chu an ran in leh a chhehvel fai taka enkawl tur leh mi nazawng ran in tlawh tir lo thei se an duh thu AH & Vety Department hotute chuan an sawi a ni.

PRRS hi kum 2013 leh 2016 khan Mizoramah a lo l>ng tawh a, he natna vang hian kum 2013-ah vawk 3,806 thiin, kum 2016-ah vawk 4,699 a thi leh a ni.

Serchhip-ah chuan PRRS vanga vawk thi chu 138 a tling tawh a. Serchhip a\anga thudawn danin, Vawk hi hi February thla vel a\ang khan a thi \an a, heng vawk thite hi March thla chawhnu lam khan PRRS a ni tih finfiah a ni. Serchhip-a AH &Vety Department chhinchhiah danin, Serchhipa vawk thi tam zual zingah IOC Venga Pi Dinpuii chuan Vawk 26 a ch^n tawh a, Tuikhuah Venga Pi Roluahi’n vawk 11, Pi Lalziki’n vawk 10 leh IOC Venga Pi Nukungi’n vawk 7 an ch^n tawh a ni.