Tun hnaia Mizoram hmun hrang hranga vawk natna, PRRS lengin ziaawm lam a pan hret nia an hriat thu AH & Vety Deptt. hotuten Zonet an hrilh. Hetihrual hian hri len ve lohna hmuna ngaih Kolasib-ah tunhnai khan vawk thi rinhlelh report an dawn thu an sawi a, vawk thi hi PRRS vang a ni em tih an endik mek tih an sawi a, Mizorama vawk hri leng chu a zual zel loh nan theih tawp an chhuah tih an sawi. Zawhna chhangin AH & Vety Deptt. hotute chuan, vawk thi leh damlo sa ei atana zawrh chhuah a awm thu veng pakhat a\angin complaint an dawng tih an sawi a, enfiahtu pawh an intirh nghal thu sawiin thil fel lo erawh hmuh chhuah an neih loh thu an sawi a, vawk hri leng hi PRRS a nih vek loh thu sawiin Swine flu pawh a leng tel tih an sawi.
