Mizoram Horticulture Service Association-in vawiin khan Annual Conference vawi 21-na an hman chu he Department Secretary, Pu Rodney L. Ralte-in a hmanpui.

0
280
views

Sorkar laipuiin kum 2022 a\anga thlai thar chhuah a leta tipung tura \an a lak mek chu Mizoramah pawh tihhlawhtling tura nasa lehzuala \anlak a \ul thu a sawi a, hemi atan hian an department chuan engtin nge \an an lak ang tih ngaihtuah a \ul a ni, a ti. Pu Rodney L. Ralte chuan, thlai enkawlna atana rannung thahna hlo, Pesticides hman fimkhur an duh thu tun hnaia Central YMA-in a sawi chu chak taka bawhzui nghal a ni tih sawiin, hemi bawhzuia Pesticides hman dan inzirtirna lehkha buatsaih a ni chu thil lawmawm tak a ni a, rannung thahna hlo chu a dik lova hman a nih chuan a hmangtu leh thlai eitu thlenga harsatna an tawh phah theih avangin zau zawka inzirtir a, kuthnathawktute pawh uluk lehzuala zirtir a ngai tih a sawi.

He inkhawm hi an pawl President, Pu Vanlalruata Chenkual-in a kaihruai a, an member thar mi 11 chu Horticulture Director, MHSA Adviser nibawk, Pi Elizabeth Saipari’n a lawmlut a. An member thite an sun bawk. MHSA Annual Conference-ah hian thupui atan ‘thlai ven himna damdawi him leh dik taka hman dan’ tih hman a ni a, chawhnu lamah hemi lam hawi thuziak an zir ho a, “Thlai ven himna damdawi him leh dik taka hman dan a zau thei ang bera mipui hnena zirtir tura hmalak ni rawh se tih Resolution an pass a ni. Mizoram Horticulture Service Association-ah hian Sanction Post 97 awmin, chung zinga 81 chu hnawh khah a ni a, post ruak 16 a awm mek a ni.