Mizoram Journalists Association, Lawngtlai District member te tana buatsaih, Journalist Pension & Welfare Rules chu hman theih turin LADC CEM Pu T. Zakunga’n a tlangzarh.

0
78
views

MJA Lawngtlai District Vice President Pu Elvis Lalthangzuala kaihhruai Pension & Welfare Rules tlangzarhna ah hian CEM Pu T. Zakunga chuan Journalist te chu thudik tan a, huaisen taka ram leh Hnam tan, thuziak hmanga thawktute an nih avangin LADC sorkar chuan a ngai pawimawh tih a sawi.

MJA Lawngtlai District President Pu Lalngheta Ralte, Lunglei District MJA President Pu C. Lalthansanga leh MJA Siaha District President Pu M. Baithai te pawhin thu an sawi a, Lawngtlai District MJA Memberte ten Pension an hmuh theihna tura LADC Sawrkar inpekna fakawm an tih thu an sawi. Pension & Welfare Rules tlangzarh anih hnu hian, Kum 20 chin Chanchinbu lo enkawl tawh, Kum 60 tling chinte tana Pension theih anih tak avangin, hun rei tak MJA Lawngtlai District lo kaihruai a, thahnemngai taka sul lo sutu, Prominent Journalist Pu V. Lallianzuala, Editor, Lairam Chanchinbu chu Pension pek nghal a ni a, Pu H. Chhuanawma, Executive Member LADC. Information changtu chuan Pu V.Lallianzuala nupui hnenah Pension hi a hlan a ni.