Mizoram Junior Enginner Service Association-in kaisang kher lova Grade Pay sang zawk hman phalsak tura dilna thehlut

0
466
views

Mizoram Junior Enginner Service Association-in kaisang kher lova Grade Pay sang zawk hman phalsak tura dilna vawiin khan Political Adviser to Chief Minister, Pu Lalrinmawia Ralte hnenah an thehlut. He lehkha hi New Secretariat Complex-a a chenna inah JESAM hruaitute tukin khan an hlan a, an pawl General Secretary, Pu PC Lalthanliana chuan inhnawh khawm tam lutuk vanga kaisan kawnga JE te harsatna tawh dan sawiin, an Service Rules-ah chuan kum 5 chhung an Service tawh chuan SDO-ah kaisan theih a nih laiin, kum 30 chuang JE hnathawk tawh vawiin thlenga la kaisang lo engemawzat an awm niin a sawi a, an Pension hun a hnaih tawh avangin an Service chhunga an kaisang dan ngaihtuah a, Non Functional Grade Pay siamsak chu an mamawh hle niin a sawi a ni.