Republic Day vawi 71-na puala thuchah a tih chhuahah larsap chuan India ram, mahnia inrelbawl leh inpumkhat a nih theihna chhan, hruaitu kaltate leh zalenna sualtute inpekna chu hre reng turin mipuite a chah a, ram danpui constitution chuan mipui intluktlanna leh inunauna a ti nghet a ni a ti.
Mizoram sorkarin hmasawnna tura ruahmanna a siam Socio-Economic Development Policy (SEDP) chungchang pawh larsap hian sawiin a bul \an nan Board 14 din a ni tawh tih a sawi a, State pum huapa hmasawnna hna thawk turin Autonomous Districs Council huamchhung thlengin sorkarin hma a la mek tih a sawi. Nikum lama Sinlung Hills Council Inthlanna hlawhtling taka neih a nih thu leh he hian remna leh muanna tluantling a thlen ngei a beisei thu te, Mizoram State Games hlawhtling taka butsaih a ni chu lawmawm a tih thu te pawh larsap hian a sawi lang a, hmasawnna huapzo a thlen theihna tura Kohhran leh Tlawmngai pawl hrang hrangten sorkar an thawhpuinaah lawmthu a sawi bawk.
Larsap hian mipuite chu Ram Danpui laka rinna nghat thar leh tur leh rinawm tura intiam thar leh tur te, ram zalenna sualtute hmathlir ti hlawhtling tura inpe thar leh tur te in a chah a ni.
