Kawngzawhtute hi Chief Electoral Officer, Pu SB Shashank-an a vailiam a ni. He intawhkhawm, March with Pride tia hriat Vanapa Hall kawta neihah thusawiin CEO chuan tun inthlanpui neih turah hian kum danga la tih ngai loh angin pianphunga rualbanlo leh taksa lama harsatna neiten vote an thlak theih ngeina turin ruahmanna siam niin a sawi a, rualbanlote Electoral Roll-a an hming a chuan leh chuan loh enfiah a ngaih avangin Social Welfare Deptt. nen \angkawpin anmahni zawn chhuah hna an thawk niin a sawi. He inkhawma thusawitu dang, Addl.DC Dr. Vanlalhriati Ralte chuan Aizawl District-ah pianphunga rualbanlo leh harsatna nei Electoral Roll-a hming chuang 1,550 an awm niin a sawi a, kum tling tawh vote la nei lo tan November ni 2 thleng a inziahluh theih niin a sawi bawk.
November ni 28-a neih a nih huna pianphunga rualbanloten Polling Station-a vote an thlak theihna turin an puala lirthei ruahman sak a ni ang a, chumi hmang chuan an in a\anga hruai chhuaha vote an thlak zawha an ina dah let leh a ni ang a, wheelchair leh zakdawh tiang hmanga Polling Station tina an luh theihna tur ramp siam a nih dawn bakah mitdel tan mitdel hawrawp, Braille-a ziak EPIC Card siam a ni dawn bawk a ni.
Hemi hnua Lammuala inkhawmah hnam lam entir a ni a, zaithiamte an zai bawk a ni.
