Tunhnaia Mizoram leh Assam ramri buainaa State pahnih Chief Secretary te inbiak chungchanga Zophai tia hriat Kachurtal tia hming rawn lang chu an pawm loh thu Mizoram BJP State President Prof. JV Hluna’n a sawi. He thu hi vawiin a an party in faina beihpui an thlaknaah a sawi a, Prof JV Hluna chuan, Zophai tia hriat Kachurtal tia hming rawn lang chu engtiklai mahin Kachurtal a nih ngai loh thu leh Mizoram chhung a nih avangin hnam dang hming put an remtih loh thu sawiin MZP te hmalakna chu an thlawp tlat tih a sawi. Prof. JV Hluna chuan, Mizoram leh Assam ramri chungchangah Suakpuilala ten Sa ui an tan laia ramri chu Mizoram BJP dinna a nih thu a sawi a, kumin kumtawp a Assembly inthlan turah thuneihna an chan chuan tharum tel lovin ramri tihfel chu an hna hmasa tur a nih thu a sawi. BJP hian Mizoram sorkarin CADC hnena cheng vaibelchhe 10 leh nuai 2 a pek chu dik lo taka hman nia sawiin, a chhuichiang turin Larsap hnenah ngenna an thehlut nghal a ni.
