Mizoram leh Assam inri-naa Inner Line Reserved Forest Area square mile 509 huam chhunga dan phal loha thil tih chi hrang hrang te chu vawiin atang khan Mizoram leh Assam Team ten an enfiah

0
301
views

Mizoram leh Assam inri-naa Inner Line Reserved Forest Area square mile 509 huam chhunga dan phal loha thil tih chi hrang hrang te chu vawiin a\ang khan Mizoram leh Assam Team ten an enfiah \an. Hemi chungchanga ZONET thudawn danin a enfiah hna hi Bairabia Zophai bul vel a\angin \an a ni a, hetah hian Mizoram team chu Environment, Forest & Climate Change Department-a Conservator of Forests, Pu Lalthlamuana Pachuau-in a hova, Assam lam pawh Conservator of Forests, Pu Binay Gupta-a’n a hova, Mizoram team hi 1st IR Battalion Commandant, Pu HL Thangzuala leh a hoten an veng a, an zingah hian Land Revenue & Settlement Deptt. mi, Kolasib-a Assistant Settlement Officer, Pi TT Beikhaizi, Kolasib DFO, Pu Lalnunzira, Kawrthah DFO, Pu Lalduhthlana, Vairengte Joint VC President, Pu Zalawta, Bairabi Joint VC President, Pu J. Lalchhuanawma leh Civil Society aiawhin MZP President, Pu L. Ramdinliana Renthlei leh Office Bearer te an tel a ni. Hetiang bawk hian Assam team-ah hian Hailakandi DFO, Pu NH Majundar leh Officer dangte bakah venhim hnathawktu Police te an tel a ni. A hmuna kalte zing a\anga ZONET thudawn danin vawiin, a \an tirh ni hian an fang zau vak lova, Zophai leh Tlawng lui kam lehlama Inner Line Reserved Forest huam chhunga dan phal loha in sak 34, kuhva huan leh huan dang engemawzat, sangha dil engemawzat leh dan phal loha thil tih dangte enfiahin an chhinchhiah a, hengte hi Assam lam thil tih vek nia hriat a ni. Puan tawh angin Inner Line Reserved Forest huam chhunga dan phal loha thil tih zawng zawngte hi tun thla ni 30 ral hmaa enfiah kim tur a ni a, enfiah kim a nih hnuah a chhinchhiahna lehkha te nen an thil hmuh dan chu sorkar laipuia thuneitu sang zawkte hnenah thawn a, a chinfel dan zawn zui tur a ni dawn a ni. Mizoram leh Assam Joint Team te hian naktukah Bairabi chhehvela Inner Line Reserved Forest Area-a dan bawhchhiaa thil tih an enzui leh ang a, kar leh Thawhlehni, ni 17-ah Vairengte leh Dholai velah thil awmdan an enfiah zui leh dawn a ni.