CEO Pisa-a lehkha a thehluah Pu Lalhnehzauva chuan, Lunglei District-a Thorang bial chhung Rangte leh Dengsur Polling Station-a Presiding Officer-in candidate te Serial Number a tihsual chu District Election Officer hnenah thlen nghal ni mah se, tun thlenga CEO a\anga hmalakna la awm lo chu a lawm loh thu leh inthlan ni tawp thlenga Polling Station \henkhatah Candidate-te Serial Number dik loa tarlan hmuh tur a awm chu ziak leh chhiar thiam lote tan harsatna thlentu a nih avanga an chhiatpui theih thu a sawi a. Hei mai bakah hian Vanglaini Chanchinbu-in Party pakhat symbol a tihsual vanga Aizawl District Returning Officer, Pu Vanlalngaihsaka’n Independent Candidate, Pu Lalnghinglova Hmar insawifiah tura, show cause notice a pek hun tiam ral hma tun thla ni 11 tlai dar 3:15-ah Aizawl Police Station-ah FIR thehluh hnan a nih thu te, Pu Lalnghinglova Hmar in tlai dar 2:15-a insawi fiah tura hriattirna a dawn hmaa social media-a thehdarh a nih thu te a tarlang a. Heng thilah hian thil dik tawk lo a awm ni ngeia a lan avangin CEO chu thu dik hailang a, thil ti dik lo an awm a nih chuan a \ul anga hremna pek a phut thu Pu Lalhnehzauva chuan a lehkhaah hian a ziak a ni.
Vawiina Pu Lalhnehzauva’n CEO Pisa-a lungawi lohna a thlen lai hian CEO, Pu Ashish Kundra chu a zin bo hlan a nih avangin CEO aiawhin Joint CEO, Pu H. Lianzela’n a lo dawng a ni.
He mi hnua MPCC & ZPM Publicity Committee thuchhuah tarlan danin Joint CEO hian, Vanglaini Chanchinbu thil tihsual chungchangah Returning Officer hnenah hian Vote thlak zawh hma chu Show Cause Notice emaw, thil dang emaw pawh Pu Lalnghinglova Hmar lakah ti rih lo turin an hriattir tih complaint thehluttu Pu Lalhnehzauva leh a mah \awiawmtute hi a lo hrilh niin an tarlang.
Pu Lalnghinglova Hmar Election Agent-in CEO Pisa lungawi lohna a thlenaah hian ZPM leh MPCC Party hruaitu engemawzatin an \awimawm a, anmahni lo dawngsawngtu Joint CEO hnenah MPCC leh ZPM hruaitute chuan CEO Office leh Returning Officer ten an hmalak danah ngaihpawimawh bik an nei nia an ngaih thu an hrilh a, lungawi lohna an thlen chu chak taka bawhzui turin an ngen a ni.
