An inkawmnaah Pu Robert Romawia Royte chuan, Sports lama Mizoram tihhmasawnna tura kum kumtir lama DPR an thehluh tawh chu rang lamin tihhlawhtlin sak se a duh thu a hrilh a ni. Pu Pu Robert Romawia Royte hian vawiin khan Union Sports Secretary, RS Julaniya a hmu leh a, Sports and Youth Deptt-in tun hnaia Projects 6 an thehluh chu tihlahwtling tura a duhthu a hrilh a, Pu RS Julaniya chuan Mizorama Football khelmual 2-a Phullem phahna tur leh Hockey khelmual 1-a Phullem phahna tur sum thla khat chhunga tihfel hman beisei a nih thu Sports Minister hi a lo hrilh a ni.
Tourism Minister ni bawk, Pu Romawia Royte hian Union Tourism Minister, Prahlad Singh Patel pawh Parliament House-a a pisaah kawmin Thenzawla Golf Course sak zawh thar hawng turin a sawm a, hei hi Union Minister chuan a thuphungin a pawm a. Chaltlang leh Durtlang inkara Ropeway siam tum, nikum lama lo pam\ul tawh chu thar thawh leha a hmun tur \ha zawk an duan chu a lo enchian tur thu leh Mizoram Tourism-in DPR a thehluhte chu Official te a lo enpui tur thu a hrilh a. DoNER Secretary, Inderjit Singh pawhin Reiek Tourism Project kalpui nan cheng nuai 560 a thuphunga a pawmpui bakah NEC leh DoNER Ministry-in Sports tihhmasawna atana sum an hman theih thuai a rin thu Pu Robert Romawia Royte hi a lo hrilh a ni. Pu Robert Romawia Royte hian Delhi-a inenkawl mek Dy. Chief Minister Pu Tawnluia leh Kolkata AMRI Hospital-a inenkawl Assembly Speaker, Pu Lalrinliana Sailo te a tlawh nghal a ni.
