MP-a thlantlin anih avanga Pathian hnena lawmthu sawina inkhawm, vawiina Tuikual North YMA Hall-a neihah thu sawiin MP thar hian kum 40 sorkar hna a thawh hnuah chawl hlen tawh tura a inngaih laiin a tum ngai loh leh a beisei ngai loh Pathian leh kan ram tan titu te kaltlangin kawng hawnsakin a awm tih a sawi a, MP a thlantlin a ni chu ropui a tih thu a sawi a, a kawng zawh tur chu ama theihnain a tlin dawn lo tih sawiin Pathian puihna chauhin a ti thei dawn tih a sawi a, amah \awngtaipui \hin turin mipuite a sawm a ni.
He hun hmanpuitu Chief Minister Pu Zoramthanga chuan Lok Sabha MP thar Pu C Lalrosanga chu Pathianin Mizoram leh a chhunga cheng a mipuite tan a hnathawk tura a pek niin a sawi a, Mizoram chu mahnia ram hlawm \ha tak nei, \awngkhat hmang, Kristian ram leh lehkhathiam ram a ni a, Pathianin Mizo te chu a rawngbawl tur leh a thil tum ti hlawhtling turin a ruahman a ni a ti.
Pu C Lalrosanga hi pawl leh mimalin chawimawina leh lawmpuina thil pek an hlan a, Minister, AMC councillor leh MNF party hotu \hahnem tak an tel a ni.
