Mizoram Official Taekwondo Championship vawi 20-na hawng

0
419
views

Mizoram Official Taekwondo Championship vawi 20-na chu vawiin khan Electric Veng YMA Hall-ah I&PR Minister Pu Lal Thanzara’n a hawng. He inkhawm, MATA President Dr. Rualkhuma Colney kaihhruai-ah hian thusawiin Minister chuan infiam mite chu ram tihming tha tura tha thlah lova bei turin a fuih a ni. Minister chuan infiam miten Mizoram an lo tih hmingthat tawh dan te tarlangin MATA in International Refree pathum, National Refree 41 an nei thei chu chhuanawm a tih thu a sawi a, hetih laia Football-ah National Refree pakhat chauh Mizoramin a la nei thei rih chu tan lakna tur niin a sawi bawk. Minister hian MATA tanpui nan cheng nuai 1 a hlan a ni. Mizoram Official Taekwondo Championship-ah hian Club 22 a team 58 atangin player 487 an tel a ni.