Pu Hardeep Singh Puri chuan Pu Zoramthanga rawtna siam chu \ha a tih thu sawiin, tih theih a nih phawt chuan sum pek lamah sorkar laipuiin harsatna a neih loh tur thu a sawi a, karlehah a hmuna thil awmdan enfiah tur leh zirchiangtu tur Consultant Aizawla rawn tirh a ni dawn tih sawiin, mithiamte chuan chawlhkar ruk chhungin Detailed Project Report an siam ang a, chumi ang chuan Aizawl khawpuia kawngpui chunga kawng chhawng siam dan tur leh lirthei inpelh harsatna kawng peng\huam pawimawh laia fly over siam tumna chu kalpui a ni ang tih Pu Hardeep Singh Puri chuan a sawi. Union Housing & Urban Affairs Minister an hmuhnaah hian Pu Zoramthanga chuan Chaltlanga Inter State Bus Terminal siam \ul a tih thu a sawi bawk a, hei pawh hi Union Minister chuan tihpuitlinpui a inhuam thu leh sum lamah harsatna a awm loh tur thu a sawi a ni. He meeting-ah hian Chief Minister \awiawmtu Sports Minister, Pu Robert Romawi Royte pawhin football field puitling Mizoramin a mamawh thu a sawi a, chu chu chhangin Pu Hardeep Singh Puri chuan Field puitling paruk thleng siamna tur sum ngaihtuahsak sorkar laipuiin a inhuam thu a hrilh a ni. Vawiina Union Minister an hmuhnaah hian Chief Minister hi Principal Secretary Home, Pu Lalnunmawia Chuaungo leh PWD Chief Engineer, Highway, Pu K. Lalsawmvela ten an \awiawm a ni. Chief Minister, Pu Zoramthanga hi New Delhi-ah a la cham zui dawn a, Union Home Minister, Pu Rajnath Singh-an inbiak leh a duh thu a hrilh avangin naktukah Pu Rajnath Singh hi a hmu dawn a ni.
Vawiin chawhma khan Chief Minister hian Union Agriculture Minister, Pu Radha Mohan Singh a hmu a, Mizorama buh leh thlai chin kawnga hmasawn dan tur chungchang leh Mau hmanga mipuite hmasawnna thlen tir dan tur chungchang a sawipui. Union Minister chuan Chief Minister chu kumin sorkar kuma sum hman dan tarlanna, Utilization Certificate thehlut tur leh nakkum sorkar kuma hma thar lak dan tur chungchanga rawtna a hnena thehlut turin a hrilh a ni.
