Mizoram pawn lama tangkhang, lo haw khawmte lo dawngsawngtu ber, Kolasib District bawrhsap Dr H Lalthlangliana’n Covid-19 awm lohna State nih tuma beihna a hlawh chham tak avangin he hri leng nena len dun mipuiten an zir a tul dawn ta a ni a ti.

Kolasib District hi ramri hnaihtu, Rel leh lirthei hmanga tangkhang lo haw khawmte lo dawngsawngtu ber a ni a, Kolasib-a Zonet Reporter-in a kawmnaah Bawrhsap, Dr. H. Lalthlangliana hian Covid-19 chu Mizoramah awm tawh mahse, a kai lo turin mipuiten fimkhur tak leh thu awih taka an nun an hman chuan hri leng kai lovin a awm theih a ni a ti a, mithiamte leh sorkar ruahmanna duante zawm theuh turin mipuite a chah a ni.