Mizoram People Forum Governing Board thutkhawm vawi 34-na nei

0
687
views

Mizoram People Forum Governing Board \hutkhawm vawi 34-na chu vawiin khan Synod Committee Room-ah MPF President, Rev. F. Lalrinnunga, Synod Moderator kaihhruaia neih a ni a, hetah hian MPF General Secretary Rev.Dr. R. Lalbiakmawia’n nikum August thla a\anga tun thlenga MPF hnathawh dan a tlangpuiin a tarlang a, Finance Secretary Pu David Dosailova pawhin nikum April thla a\anga kumin March thla thlenga MPF sum dinhmun tarlangin hemi chhunga sum hmuh zawng zawng chu Rs.15,56,784/- niin, hmanral zawng zawng chu Rs.10,58,366/- a ni tih a tarlang a, tun dinhmunah Rs.4,98,417/- an la nei tih a sawi bawk a ni. Nikum September thla a\anga tun thlengin Political Education Seminar hmun hrang hrang 18-ah neih a nih thu te, Pastor Bial 7 huamchhungah Kohhran 24-ah Political Education Seminar neih a nih thu te tarlan a ni a, Chakma Autonomous District Council inthlanna tun thla ni 20-a neih turah Party tin nen thawhhona thuthlung tipuitling tura \an lak dan tur an sawiho bawk.