Pu Lalhmangaiha Sailo hian, MPC chu Party hlun leh hming\ha, mite rin ngam leh Policy \ha ber a nih avangin an ral mai tur a ni lova, Zoram hmasawnna tur leh venghim turin an bei zel dawn a ni a ti a, an Party mite chu MPC tana dingnghet tlat turin a sawm a ni.
MPC hian vawiin khan Aizawl Treasury Square-a an Party Office, Durbar Hall-ah General Assembly an hmang a, hetah hian an MLA pathum – Pu C. Lalsawivunga, Pu Vanlalhlana leh Pu VL Zaithanzama kaihhruaiin kum 2019-21 chhunga an Party hruaitu thar tur an thlang a, chungte chu – President-ah Pu Lalhmangaiha Sailo, Vice President-ah Pu Lalthansanga (Chatea) leh Treasurer-ah Pu V. Lal\hazuala te an ni.
MPC Party-in hruaitu thar an thlang tur hian politics tuimite ngaihven a hlawh hle a, mi \henkhat chuan Party pakhata ZPM inchhunkhawm an tumna kawngah MPC President, Pu Lalhmangaiha Sailo chu harsatna siamtu a nih avangin President a\anga paih a, ZPM-a inchhun khawm an duh nia sawi a ni.
MPC hian Unit leh Block mumal neih lohna veng leh khua an neih nual avangin tun \uma an Party hruaitu thar an thlannaah hian an Party mi, a duh a piang tan Vote thlak theihin an hawng a, an Party mipui pungkhawm zingah Party dang mi engemawzat an awm nia sawi a nih avangin an Party hruaitu \henkhat chuan Pu Lalhmangaiha Sailo hi a tlak mai an hlauhthawn thu Zonet palai an hrilh a ni.
MPC mipui kalkhawmte hian Resolution pathum an pass a, Mizoram State puitling a nih a\anga kum 33 hnuah pawh ramri chinfel ala ni lo te, Kawlphetha-a intodelh a la ni lo te, tui thianghlim in tur tlachhama mipui an la awm te chu lungchhiat thlak an tih thu leh sorkar-na chelhtute an dem thu te, Mizoram sawrkar chu \hahnemngai taka thawk tawh tura an phut thu te, NLUP leh SEDP hmanga sum semin harsatna nasa zawk a thlen nia an hriat thu leh ei leh bara intodelh tur leh kut hnathawktute dinchhuahna tura ruahmanna \ha nei tura sorkar an phut thu te, Mizoram, hnam leh sakhua a him zel theih nana theihtawp an chhuah tur thu te an resolution pass ah chuan an tarlang a ni.
