Ralthuamte hi a duh apiangte en theih turin Aizawl Vanapa Hall-ah vawiin khan an pho chhuak a ni.
Mizoram Police hian an dinchampha lawmna pual hian thil chi hrang hrang an buatsaih a, cultural programme an buatsaih chu Mizoram Assembly Speaker Pu Lalrinliana Sailo in a hmanpui a, 3rd Bn. MAP ten Chawnglaizawn leh 5th IR Bn. ten Khuallam an entir a ni.
Heng bakah hian Football inelna te, ruihhlo tawlhruk dona chungchang zir hona te, silai inkahsiak te, lemziaka inelna te pawh an buatsaih a, an dinchampha pual hian Police Unit hrang hrangin an remchan ang zelin thisen pek runpui buatsaihin Unit 142 an pe a ni.
