He thu hi MPCC Media Deptt. Chairman, Pu Lallianchhunga chuan vawiin khan Aizawl Press Club-ah thuthar thehdarhtute a hrilh a, Mizorama Kohhran te zahawmna humhim turin MNF leh NEDA-a an thawhpui BJP te chu inkungkaih tlat niin a sawi a, First Post zawhna chhangin MNF President, Pu Zoramthanga chuan BJP an sorkar avangin Kohhran zahawmnain a chhiat phah lo ang tih a sawi niin Pu Lallianchhunga chuan a sawi a ni.
Kum 2008 a\anga kum 2018 thlenga Congress an sorkar chhungin an Minister zingah eiruk vanga thubuai nei an awm lo niin Pu Lallianchhunga chuan a sawi a, Pu R. Lalzirliana Home Minister a nih laia NECS enkawltu Pu Robert Romawia Royte-in Infrastructure Development of Minority Institute hnuaia \anpuina sum a dil chhuah danah thil dik lo inphum tam tak a awm niin a sawi bawk.
