Thuchhuah an siamah MPCC hian, Congress sorkar liam ta khan tih sual leh rah pelh engemawzat a nei chungin hmasawnna kawngah leh sorkar sum leh pai enkawlna kawngah theihtawp a chhuah ve \hin tih an sawi a. Mizoram hi sakhaw dang betute chawmhlawma awm ringawt lova thawhchhuah nei state a siam a tum avangin sum lakluhna tur kawng pawh a dap nasa hle a , sum leh pai awmze nei taka a enkawl avangin GDP a\anga chhuta leiba punna pawh Congress sorkar lai khan nasa takin a tlahniam a, hmasawnna dinhmun tehna hrang hrangah pawh Mizoram dinhmun a \ha ta hle tih sawiin, kum 2012-18 chhung khan Mizoram hmasawnna chu chawhrualin zaa 12.75 a ni a, hetiang taka kal tluan hi Mizoramin ala nei ngai lo a ni, an ti. Larsap zahawm takin Republic Day lawmnaa a sawi ang khan Mizorama hmasawnna nasa tak thleng mek hi MNF sorkar hian a chhawm nun zel an duh thu leh chutiang tur chuan chonaah ngai se an duh tih an sawi a. Hetih rual hian, India ramin economy tlakhniamna nasa tak a tawn lai a nih avangin sorkar pawisa an hman danah MNF sorkar pawh a inenfiah a, a insiam\hat hle a ngai nia an hriat thu MPCC chuan an sawi.
