Thuchhuah an siamah MPCC chuan, MNF sorkarin zirna a kalpui dan chu ngun taka an thlir reng thu leh an laka beisei a san loh thu an sawi a. A bikin Education Minister thar chu Mizoram zirna siam\ha tura hma thlir nei lova an ngaih thu sawiin, hun engemawchen zing dar 8:30-a school \an hma lo kalpui tawh pawh zirchianna awm lova tun thla ni 12-a Cabinet Meeting-in zing dar 9-a a sawn tlai nghal ringawt chu MPCC chuan a pawi a ti a, hei hi ram tana hmasawn tuma hmalakna lam aiin sorkar hmasa hnathawh a nih avanga tihdanglam hrim hrim tumna kal zel nia an ngaih thu an sawi. MPCC chuan, Congress sorkarin Mizoram mipuite hnathawh hunchhung tih rei tuma awmze nei taka hma a lakna chu MNF sorkar chuan a tichhe vek nia an ngaih thu sawiin, he thutlukna hi ram leh hnam tan \hat zawkna awm lo nia an ngaih thu an sawi a ni. Tun thla ni 7-a Federation of Mizoram Government School Teachers conference-ah School Education Minister, Pu Lalchhandama Ralte-in MPSC kaltlang loa zirtirtu 1,000 vel lak a nih tur thu leh heng zirtirtute hi contract leh muster roll-a lak phawt a, a hnua dah ngheh leh theih tura tih an tum thu a sawi chu sorkar hna hmanga party mite induhsak tumna chiang tak a nih avangin MPCC chuan \ha lo a tih thu an sawi a, zirtirtu hi a nghet loa lak an nih dawn pawhin MPSC kaltlang ngeia lak ni se tih an duh thu an sawi a ni. MPCC chuan, sorkar hna lak reng reng dik leh thianghlim taka kalpui \hin turin MNF kaihhruai sorkar chu an ngen a, MNF sorkar hmasak hunlai, zaithiam leh mi lar deuhte leh an chhung leh khatte sorkar hnaa an thun vak vak \hin hunlai ang kha a ni tawh lo tih hrethiam tur leh, an sorkar hmasak a an chetdan \ha lo takte kalsan tawh turin an ngen tih an sawi a ni.
