Mizoram Pradesh Congress Committee-in tun hnaia ram hruaitu pahnih, Speaker leh Minister lo ni tawh Pu Rokamlova leh Minister hlui Pu F. Lawmkima te chu an sun thu an sawi.

0
61
views

Congress Party hian kum 80 mi nia Nilainia boral Pu Rokamlova Dawrpuichu an ui takzet tih an sawi a. Pu Rokamlova hi Mizoramin kum 1986 Inremna a neih theih nana thawh hlawk tak a ni tih sawiin, Minister leh MLA a nihna mai bakah Zirtirtu ropui tak a nihna te, rawngbawlna lam thlengin Mizoram tan hna tangkai tak tak a lo thawk tawh thin a ni, an ti a. Hetia a lo boral ta mai hi Congress Party mai bakah Mizoram tan channa nasa tak a ni, an ti.

MPCC hian kum 1993 inthlana Congress party leh Mizo Janata Dal tangrualin sorkarna an siam tuma Minister of State lo ni tawh kum 80-a upa Pu F. Lawmkima, Kulikawn Nimina boral pawh a sun hle tih an sawi a, ram tana an hnathawhte an hre reng tawh dawn tih an sawi.