Hemi chungchanga vawiin a thuchhuah an siamah MPYCC chuan, Budget session neih meka nimin a Mizoram Economic Survey 2019-20, phar takah kum khat lek chhungin Mizoram sum din hmun chu a sawprawp hle niin an sawi a, Finance Commission-in GSDP a\anga zaa 3 aiin Fiscal deficit a tam tur a ni lo a tih laiin sorkar kum kal mekah Fiscal Deficit chu nasa takin a sang nia sawiin Mizoram Fiscal Deficit chu zaa 8.34 a ni an ti a, hetihlai hian Congress sorkar tawp lamah Mizoram Fiscal Deficit chu zaa 1.58 chauh a nih thu sawiin ram sum dinhmun a \ha thawkhat hle a ni an ti.
MNF sorkar chu sum enkawl thiam loah puhin congress-in thuneihna an chan laia sum an khawl sa an chen zawh hnuah Mizoram chu dinhmun hlauhawma dahah an puh MPYCC chuan an puh a, MNF sorkara sum enkawltu hmuia pawisa tam ringawt chu Mizoram sum din hmunin a \hat pui lo a ni an ti a, sorkar chu Mizoram sum dinhmun ti \haa mitin thleng phak hmasawnna lam hawia hma la tura an phut thu leh a ngaihna an hre lo a nih chuan an party President Pu Lal Thanhawla leh Finance Minister hlui Pu Lalsawta te thurawn la ngam se an duh tih an sawi.
