Mizoram Public Service Commission-in vawiin khan Mizoram Civil Service Junior Grade result a tichhuak a, a pumpuiah Mission Vengthlanga Pu C. Laldina fanu, Laldinsangi chu pakhatna a ni.

MCS-ah hian mi 12 an tling chungte chu Laldinsangi Mission Vengthlang, H. Lalramenga Thingsulthliah, Lalruatpuii Hnamte Mission Veng, F. Lalnisai Tuikual North, Vanlalnunpuii Hmar, Lengpui, Albert Vanlalruata Ramhlun Vengthar, R. Lalrinzuali Chawnpui, N. Lalzarzova Bualpui NG, Obed Lalmalsawma Khatla East, K. Lalhlimpuia Chaltlang Lily Veng,
Henry Malsawmtluanga Kawrthah leh H. Vanlalbiakzauva Lunglei Farm Veng an ni a, heng mite bakah hian Panel List-ah mi 7 dah an ni bawk.

MCS Junior Grade lakna atan hian MPSC chuan nikum November ni 5 a\anga ni 9 chhung khan Written Exam a buatsaih a, Written a tlingte tan hian tunkar thawhlehni a\anga vawiin thleng khan Personal Interview neih a ni a, Interview neih zawh a nih rualin Result hi tihchhuah nghal a ni.