Khawmpui \an rual hian rorel inkhawm neih nghal a ni a, vawiin khan Mamit-a St. Francis of Assisi High School Ground-ah Pandal malsawmna leh Mass thianghlima hlan a ni a.
Chawhnu lamah thupui thlan bik hmangin Pathian thuchah ngaih thlak a ni.
Diocese Catholic \halai pawl hian inkhawmpui an neih apianga an lo tih \hin angin vantlang tana thil tha tihna leh miharsa zawkte \anpuina an pe a, he inkhawmpui pual hian Mamit District Jail-ah TV 2 an pek bakah chhungkaw harsa zual 10 hnenah \anpuina an pe bawk.
Vawiin khan Mamit Community Hall-ah a thlawna inentirna an buatsaih a, hetah hian Medicine, Ortho, Gynea, Dental, Pediatrics bakah ran Doctor-te a duh a piang rawn theihin an \hu a, mi 700 chuang an inentir a, a thlawnin damdawi an pe nghal bawk.
