Mizoram pumah HIV damdawi, ART ei mi 7,007 an awm mek

0
1251
views

Tun dinhmunah Mizoram pumah HIV damdawi, ART ei mi 7,007 an awm mek.

Nikum April a\anga kumin March thla thlenga HIV veite damdawi petu, ART lama thawktute hnathawh dan thlirletna vawiina NLUP Conference Hall-ah neiha tarlan anih danin, Mizoramah HIV damdawi, ART ei laia thi mi 1,208 awm tawhin, ART ei chhunzawm lova thi mi
653 an awm a.
ART damdawi ei zet tawh, ei chhunzawm lo mi 1,317 an awm a, damdawi ei \an tir chhui zui theih loh mi 1,427 an awm bawk. ART lama thawktute hnathawh dan thlirletnaah hian ART Centre paruk 6-a thawktute bakah Aizawl, Champhai leh Lunglei District-a AIDS Prevention and Control Unit-a thawktute an tel a, a hmanpuitu MSACS Project Director, Dr. Lalmalsawmi Sailo chuan, ART damdawi hian mihring taksaa HIV hrik inthlahpung zel tur a khuahkhirh tlat avangin he damdawi hi HIV darh zel tur vengtu a ni a ti a, HIV hrik paiten an ei taimak a ngai tih a sawi a. ART damdawi la ei lo hrim hrim leh ei zet tawh hnua chhunzawm lova tawpsan lehte chu natna ti darhtute an nih avangin HIV vei zawng zawngin damdawi an ei vek theih nan thawhtute chu \an la lehzual turin a chah a ni.