Mizoram PWD-in Asian Development Bank sum hmanga kawngpui a sialna tur, ADB road Project sum cheng vaibelchhe 38 nuai 50 chu cheque lem hmangin Bengaluru-a Bank of Baroda atanga lak chhuah tum a ni a, he thil titu chhui chiang turin Mizoram PWD in FIR an theh lut.

Hemi chungchanga ZONET zawhna PWD Engineer in Chief Pu K. Lalsawmvela’n a chhan danin, tun thla ni 3 khan Ganesh Infra Supply hminga cheng vaibelchhe 28 nuai 50 lak tumna hi Bangaluru-a Bank of Baroda-a hian an clear hman tawh a, rinhleh an neih avangin Aizawl Vijaya Bank nen an in biak pawh hnuah cheque clear tawh chu a lem a ni tih hriat chhuah a ni a, sum hi pek chhuah hman a ni lo a, hemi hnu tun thla vek ni 6 khan Bangaluru-a Bank of Baroda-ah bawk Mizoram PWD ADB road Project hmingin shyam granite company-in cheng vaibelchhe 10 lakchhuahna tur cheque an thehlut leh a, he thil hi Bank of Baroda thawktuten ringhlelin Mizoram PWD ADB Project Director an biak pawh hnuah thil dik lo a nih thu hriat chhuah a ni leh a, cheque lem 2 hmanga sum tam tak a belhkhawma cheng vbc 38 nuai 50 lakchhuah tumtute hi man chhuak turin Aizawl Police Station ah tunthla ni 7 khan PWD chuan FIR an theh lut a ni.