Mizoram sorkar chuan Sinlung Hills Council-a Interim Council Member turte a ruatfel.
Hemi chungchanga Larsap hriattirna chhuah tarlan danin Interim Council hi thlaruk chhung ding tura ruat a ni a, hetah hian inbiak laia HPC(D) thupuangtu Pu Lal\halien chu Chief Executive Member a ni ang a, inbiak laia HPC(D) Working Chairman, Pu LT Hmar chu Chairman a ni ang a, Deputy Chairman atan Pu Lalbieknung dah a ni. Executive member mi 4 te chu Lalthlamuana Hmar, Pu Darliensung Ralsun, Pu JC Zairemkunga leg Melody Lalchhuangzeli te an ni a, Member tura ruat mi 5 te chu Pu Rohringa Hmar, Pu Rinsanga Ralte, Pu Benjamin, Pu B. Lal\hachhunga leh Pu Lalremruata Varte te an ni. Heng mite hian an Appointment chhuah ni a\anga ni 30 chhungin an hna an zawm a ngai dawn a, a hmasain Aizawl DC-in Interim Council Sitting neih hmasak ber tur chu a ko ang a, hetah hian Interim Council Member te chu rinawmna thu tiamtirin a lalut ang dawn a ni.
