Mizoram sorkar hnuaia Group A, B leh C te an hlawh basic pay atanga zaa 10 leh group D te zaa 5 zel, covid 19 doletna tura May thla atanga December thla thlenga pe tura rel, ngaihtuah tha leh tura ngenna FMGE&W in Chief Secretary Pu Lalnunmawia Chuaungo hnehah ziakin an thehlut.

0
368
views

Mizoram sorkar hnuaia hnathawk zawng zawngte intelkhawmna FMGEW hruaitute hian an ngenna hi tukin khan Chief Secretary hnena a thehlut a, Chief Minister hnenah pawh an thlen nghal a ni.

Mizoram sorkar hnuaia Group A, B leh C te an hlawh basic pay atanga zaa 10 leh group D te zaa 5 zel, covid 19 doletna tura May thla atanga December thla thlenga pe tura Thawhlehni-a Chief Secretary hova rel chu sorkar hnathawk pawl hrang hrang zingah lungdam kim lo an awm a, FMGE&W hian nimin tlai khan emergency meeting neiin, ennawn leh tura rawtna hi Sorkara thlen an rel a ni. FMGE&W hruaitute hian hlawh atanga covid dona tur thawh chu tih awm takah an ngaih rualin, an thawh tur zat percentage bithliah dan leh a hun chhung tura ruahmanah an hnuaia service association hrang hrangte an lung a dam kim lo tih nizana Zonet buatsaih Talk Show ah an sawi a ni.