Mizoram Sorkar-in State danga tangkhangte a hruai haw zel avangin Covid 19 vei enkawlna tur bika duan Falkawn-a State Referral Hospital pawh thuam that zel a ni.

0
334
views

SRHF-ZMC Covid 19 Taskforce Bulletin-a tarlan a nih danin, State pawna lo haw an pun belh zel avang hian ZMC-a damlo dah pawh pun belh thei a ni a, State Referral Hospital leh Zoram Medical College hotuten hmathar lak belhin, damlo endikna hmun tur leh damlo dahna tur Ward te an endik a. Tun dinhmunah damlote chu an insawisel dan a zira admit na tur, ward hrang hrang pakua siam a ni a, khum 139 peih fel tawh a ni.

Falkawn Covid-19 Testing Laboratory-ah vawiin khan sample panga endik a ni a. Nimin lama Kawnpui atanga Rapid Antibody Test atanga rinhleh awm nia sawi chu Kolasib Quarantine center atanga refer
zawk a ni a. A result hi nghah mek a ni. ZMC-ah hian nimin khan Mumbai atanga air ambulance hmanga rawn phurh Cancer damlo admit thar a ni a, a rual hian a chhungte pathum pawh enthlak turin admit nghal an ni a, an vai hian an sample endik tura lak a ni.