Mizoram sorkar in vawiin chawhma lam khan SSA leh RMSA hnuaia thawktute thla thum hlawh a pe fel a, an thla thum hlawh hi a hlawmin an mimal Bank account-ah \heuh dahluh sak an ni.

Hemi chungchanga vawiina School Education Department thuchhuah tarlan chuan kumin October thla a\anga December thleng hlawh hi SSA hnuaia UPS teacher – 1643, LPS teacher – 550. Instructor – 814, BRC Staff – 326, CRC – 171, Resource Teacher (IE) 26 leh Hostel – 11 a thawk te, Special Trainer te leh Office staff dangte an ni a, RMSA hnuaia Headmaster – 92, Teachers – 506 leh Special Teachers (IEDSS) – 45 te an tel bawk. Thawktute hnena hlawh pek chhuah hi a vaiin cheng nuai 3,506 a ni.