Mizoramah mipuite ni 12 an inkharkhip tawh avangin Aizawl khawpui bikah thlai thar mamawhna a sang hle a, hetihlaia thingtlang lam a\anga chawk luh, thlai thar \hahnem tak paih ngaia a awm hian sawi a hlawh hle a ni. Hetihlai hian Zonet zawhna chhangin Horticulture Director, Dr. Elizabeth Saipari chuan, tuna thlai chhia tam ber hi thlai hnah lam a ni a, thlai hnah lam chi reng reng, a hlawma tel chu dah daih a nih phawt loh chuan amah leh amah a intilum a, a \awih hma bik a ni, a ti a. Thlai lo thleng zinga \henkhat chu satha ip-ah a hlawma thun khawm a ni a, heng zinga \henkhat chu chhe saa lo thleng pawh a awm a ni a ti.
Dr. Saipari chuan, hetianga thlai thar chhia hi a awm tawh loh nan thlai lo thleng tur reng reng chu hnah hringa fel taka tuam tur leh tam tak taka fun khawm lova, a tam berah tel 20 vel zela bawk hrang tura ruahman a ni a ti a. Hei hi zawm a nih chuan a chhe tur hi nasa taka ven theih beisei a ni a ti.
Vegetable Supply Chain han thlai thar lei nan hian cheng nuai 50 vel a seng tawh a. Thlai thar chawk luhte hi veng hrang hranga Local Level Task Force bakah damdawi in leh BSF te hnenah leitir a ni.
