Mizoram sorkar leh HPC (D) hruaitute inbiakna zawh fel a ni ta

0
509
views

Remna zawnga Mizoram sorkar aiawhte leh HPC (D) hruaitute, official level-a inbiakna chu vawiin chawhnu dar 1:30 vel khan zawh fel a ni ta a, inbiak lehna tur chu Political Level-ah a ni tawh ang. Mizoram sorkar a\anga ZONET thu dawn danin, he inbiakna, nimina Aizawla State Guest House Conference Hall-a \an hi vawiin khan boruak \ha tak hnuaiah chhunzawm a ni a, chak taka hmasawn zelin remna siam tura sorkar officer-ten an tih theih chin zawng chu tih zawh a ni ta a, hun remchang hmasa bera thuneitu sang zawkte chhunzawm tura dah a ni ta a ni. Tun \uma inbiaknaah hian Sinlung Hills Council siamna tura Bill duan lailawk, Sinlung Hills Council Bill, 2017 chu sawihova thuneitu sang zawk hnena thlen remtih a ni a, inremna thuthlung, Memorandum of Settlement siam dan tur duan lailawk pawh chik taka thlir a nih hnuah thuneitu sang zawk pawmpui tura thawn remtih a ni a, hetah hian HPC(D) hel pawl nunphung pangngaia lo let turte chhawmdawlna leh \anpui dan turte leh HPC Area tia hriata remna leh muanna boruak \ha a awm zui zel theih dan tur ruahman te pawh a tel a ni.

ZONET zawhna chhangin Home Minister, Pu R. Lalzirliana chuan Political Level-a inbiakna chhunzawm hun tur chu sawi theih la ni lo mah se, sorkar chuan kumin Krismas hmaa neih theih a duh niin a sawi a, he inbiaknaah hian HPC(D) mi, lo let turte lawm luh hun tur leh a hmun tur chu sawi a ni ang a ti bawk.