Mizoram sorkar lo awm tawhten ramri an vei dan leh an hmalak dan a in ang lo hle – MPC Party Sr. Vice President Pu Vanlalhlana

0
223
views

MPC Party Sr. Vice President Pu Vanlalhlana’n Mizoram sorkar lo awm tawhten ramri an vei dan leh an hmalak dan a in ang lo hle niin a sawi. An party pisa ah vawiin khan thu sawiin, MPC Sr Vice President chuan ramri chungchanga Chief Minister lo ni tawh pali te hmalak dan a sawi a, Pu Ch. Chhunga’n Fact & Finding Pu Zairema kaihhruai Committee dinin, Central-ah Memorandum a thehlut a. Brig. T. Sailoa’n ei leh bara intodelh te, inter State Highway te a buaipui bakah, Boundary Commission Brig. Vankunga kaihhruai a din a, report an thehlut hman ta lova, Brig T Sailo khan Mizoram leh Assam ramri lungphun dik lo ti chhiain Dolai-ah a dik zawk a siam a ni a ti a. Pu Zoramthanga’n Vairengte daia MZP chawlhbuk a thiahsak bakah All Parties & NGO, Memorandum a ti zuzi hial nia sawiin, Central-in ramri buai chungchang sawi turin a Chief Secretary a koh laiin, Pu Lalthanhawla’n Law & Order harsatna sawitir a tum thung a ni a ti a, mizo mipuite chuan ramri chungchanga an thlen chin leh hmalakna pawh an hrethiam ta lo a ni, a ti. Pu Vanlalhlana chuan ZPM an sorkar chuan ram humhim turin chak takin ke an pen dawn niin a sawi. MPC Party inkhawm hi Gen. Hqrs Secretary Pu Roliana’n a kaihruai a ni.