Pu Sangma chuan Mizorama thuthar thehdarhtuten Meghalaya Eco Tourism Model \henkhat an tlawh leh India rama khaw fai ber nia sawi Mawlynnong khua an tlawh te, Bangladesh nena ramria insumdawn tawnna hmun Dawki an tlawh te chu lawmawm a tih thu a sawi a, cheng vbc 35 vel senga Eco Tourism lam tih hmasawn sorkarin a tum thu a hrilh bawk. Heng mite hian Shillong-a Don Bosco Musuem, Asia rama Museum lian ber nia sawi leh Shillong-a hmun pawimawh dangte an tlawh a, mi pawimawh \hahnem tak an kawm bawk.
MJA Member 9 leh anmahni hruaitu Information & Public Relation Officer 2 te hian nimin khan Dawki leh a chhehvel an tlawh a, Mawlynnong ram chhunga thing zung lei hmingthang tak an tlawh bakah Dawki bula lui tui fim tak Umngot luiah lawnglenga chuangin an intihlim bawk.
