Mizoram sorkarin hmarchhak state-a mizo tangkhangte tana haw theih hun a hawn chhungin, inhriattir hmasa lova mahni thua haw ve ringawt an awm a, hei hian sorkar ruahmanna siamte a ti thuanawp nasa hle tih Home Dept in a sawi.

Mizoram sorkarin Hmarchhak biala tangkhangte haw theih hun a hawn, April ni 30 leh May ni 2 inkarah khan DRC te leh Group YMA-a in report si lo, mahni thua Mizorma tlan haw ve tawp hi mi 150 chuang an awm tih Home Dept chuan a sawi a, Sorkarin ruahmanna felfai tak a siam hma chu tumah Mizoramah haw theih a ni tawh rih lo tih Home Dept hian a sawi.

Mizorama lo haw thleng tawhte bakah hian hmarchhak bialah tangkhang an la awm tih hriat a nih thu Home Dept hian a sawi a, chung mite chu mahni thua Mizorama haw rih lo turin a hriattir a, an awmna state-a Mizoram House Dy Resident commissioner te emaw, Group YMA President te emaw hnena in report tura hriattir an ni a, DRC emaw, Group YMA emaw awm lohnaah chuan emai: covidstrandedmz@gmail . com ah in report tura hriattir an ni.

Home Dept atanga Zonet thudawn danin, hmarchhak biala tangkhang mekte hruai haw thawh khatna hi tihtawp ni tawh mahse, a thawh hnihna buatsaih leh thei tura hmalak chhunzawm a ni a, sorkarin thutlukna a la siam leh dawn a ni.