SEDP hmanga Model Bamboo Plantation siam turah hian Hmunpui, Lengpui leh Serzawl ramahte bul\an tuma ni a, May thlaah Raw phun hman ngei tura hmalak tum a ni a. Raw ching turte tan hian Horticulture Department-in hnathawh dan tur inkaihhruaina a duang a. Chungkaw pakhat zelin ram \in 2 leh a chanve-a zauah Raw kung 400 an ching dawn a. A khum khatnaah chuan chhungkaw tinin anmahni remchan dan mil zelin buh emaw hmarchha emaw an ching tel ang a, a enkawlna senso chu SEDP hnuaiah Horticulture Department-in inkaihhruaina dan a siam milin a pe leh dawn a ni.
Mizoram Sorkar Flagship Pogramme, SEDP hmanga Hmunpui, Lengpui leh Serzawl rama Model Bamboo Plantation siam tur chungchang hi vawiin khan Aizawlah sawi ho a ni a, Horticulture Jt. Director, Pu H. Man\hianga kaihhruai sawihonaah hian Bamboo Development Board Vice Chairman, Dr. K. Pachhunga chuan, SEDP hmanga Horticulture Department hnuaia hmalakna lian ber chu Raw chin a nih tur thu a sawi a, Bamboo Trade-ah hian SEDP chu sem \an a nih tawh tih a sawi.
SEDP chu sum faia sem lam ni lovin hnathawh mila \anpuina pekna tur a ni tih Dr. K. Pachhunga chuan a sawi a, kuthnathawktute an din chhuah theihna tura Pathianin Mizorama a dah chu Rua a ni a, Raw chin leh buaipui chu a zahthlak lova, a fin thlak a, a changkang bawk a ni a ti.
