MZP chuan party politics in rawlh lo a heti zat zirtirtu huai taka latu School Education Minister Pu Lalchhandama Ralte chu chhuanawm an tih thu an sawi a, Middle School leh Primary School tana zirtirtu MR 800 chuang a lak dan fair tawk nia an hriat thu an sawi.
MZP chuan School Education Minister Pu Lalchhandama Ralte in, a theih chin chinah a khaw mite duhsak an ni ang tia a lo sawi tawh angin zirtirtu lakah hian a khaw mi ngei za-a 80 vel lak an ni a, thingtlang lam zirtirtu nei mumal loten an tangkaipui dawn hle ni an a ti a. Thingtlang lama zirtirtu nei mumal lo zirlai ten zirtirtu neih hun nghakhlel tak in an thlir mek tih sawiin Sorkar chu zirtirtu lak thar te ti khaw muang lo a appointment pe thuai turin an ngen tih an sawi.
